我今日好想寫日記!

Written by ckam on November 23, 2010

中7..真正上堂淨返一個月..過埋呢個月..以後就再唔會有老師..有長輩咁照顧 咁語重心長咁睇住自己....預科呢2年..特別係F7 我先真正感受到 師生關係係可以好到咁能夠識到咁多好老師 有教我既 冇教我既 係每一個當中我都有啟發

我好鐘意bio曾 有問必答 心水超清..完全了解我地bio grp每個人!佢真係好過班主任..升學輔導..八八卦卦..佢全部知得多過班主任 哈我第1次見老師會出錢比學生去補習..跟住d exercise 印比全班..仲鼓勵我地走堂=.=今日真係經典..bio堂睇完段8分鐘既片之後 全班訓淨幾個人 lol見到bio曾個樣..哈..好好笑呀最後我地幾個冇訓既吹吹下水又一堂..佢係唔忍心叫醒熟睡既同學!"不如你地全班自己放幾日假..好過你地日日上堂都唔見左個人""連charlie都訓...算啦由你地啦"

到最後2堂CHEM..大家都係昏睡狀態haha成班好似冇人開到眼咁-.-最後10分鐘..自動break..哈"見你地一個二個隻眼都開唔大! 今日教到呢到啦" 而家m&s都好輕鬆..who又係一個好老師! (真係!)係就係串D 但真係好關心同學!!好鐘意佢周圍走睇我地做成點..成日上堂吹水講日本野..得閒又串下人咁..哈雖然佢教書麻麻地... : )

MS TONG..哎呀..小弟有幸入到補底班先見到你呀今堂我知道你好感慨呀..好彩你冇喊- -你咁講一講 提醒到我時日無多..

仲有好多好老師..我諗係你地令到我中學生涯最後2年可以咁充實 咁開心

唔講住喇..做中化PRESNETATION!!風水!!